Një 37-vjeçar është therur me thikë për vdekje dhe një tjetër është plagosur të mërkurën në Lagjen e Romëve në Mitrovicë.
Sipas Prokurorisë Themelore lidhur me rastin është arrestuar një i dyshuar dhe është dërguar në mbajtje.
Sipas njoftimit, viktimat janë vëllezër.
“Prokuroria Themelore në Mitrovicë njofton opinionin publik se mbrëmjen e 27 majit 2026, në Lagjen e Romëve në Mitrovicë, ka ndodhur një vrasje e rëndë, ku si pasojë e plagëve të marra në fyt nga një armë e ftohtë – thikë, një person i gjinisë mashkullore ka humbur jetën, ndërsa është plagosur edhe vëllai i tij. Lidhur me rastin, është arrestuar i dyshuari dhe, me vendim të prokurorit kujdestar për Krime të Rënda, i njëjti është dërguar në mbajtje”, thuhet në njoftim.
Trupi i pajetë i viktimës është dërguar për autopsi në Institutin e Mjekësisë Ligjore (IML) në Prishtinë.
“Prokuroria Themelore në Mitrovicë, brenda afatit të paraparë ligjor, për të dyshuarin do të paraqet kërkesë për caktimin e masës së paraburgimit”, thuhet tutje në njoftim.
-
Vritet 27-vjeçari dhe plagoset babai i tij pas një përleshjeje mes dy familjeve në Prizren
-
Dy vrasje brenda natës, kërkohet shtim i patrullimeve e masa parandaluese
-
Vritet me thikë një person në Gjakovë
-
Theri me thikë një person, Policia gjen armë e granata në shtëpinë e serbit në veri të Mitrovicës
-
Plagoset një person në Mitrovicë, arrestohen dy të dyshuar