Një person ka humbur jetën si pasojë e plagëve të marra me mjet të mprehtë në Mitrovicë.
Sipas njoftimit të Policisë, më 27 maj 2026, rreth orës 22:00, policia ka pranuar informatën se në Spitalin Rajonal Mitrovicë Jugu ndodhej një person i lënduar me thikë. Mjeku kujdestar ka konfirmuar se viktima, mashkull 37-vjeçar, ka ndërruar jetë si pasojë e lëndimeve.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNjësitet kompetente policore kanë dalë në vendin e ngjarjes dhe kanë ndërmarrë veprimet e nevojshme hetimore lidhur me rastin.
Në këtë rast është lënduar edhe një person tjetër me mjet të mprehtë nga i njëjti i dyshuar. Pas tretmanit mjekësor, gjendja e tij shëndetësore është raportuar jashtë rrezikut për jetën.
Me urdhër të prokurorit të krimeve të rënda, trupi i pajetë i viktimës është dërguar për obduksion në Institutin e Mjekësisë Ligjore në Prishtinë.
Policia ka arrestuar personin e dyshuar dhe ka sekuestruar thikën me të cilën dyshohet se është kryer vepra penale.
Me aktvendim të prokurorit, të dyshuarit mashkull 31-vjeçar i është caktuar masa e ndalimit policor prej 48 orësh, ndërsa hetimet për zbardhjen e rrethanave të rastit po vazhdojnë.