Prokuroria Themelore në Prizren ka kërkuar që të shqiptohet masa e paraburgimit ndaj të miturit që dyshohet se ka vrarë një të mitur tjetër të hënën në rrugën “Ylber Fanaj”.
Prokuroria ka bërë me dije se i mituri, tashmë i ndjerë, ishte goditur me thikë në pjesën e majtë të gjoksit. Të dyshuarit e përfshirë në këtë rast thuhet se kanë pasur një armë zjarri dhe dy thika.
“Momentalisht, prokurori kujdestar së bashku me policinë janë duke bërë hetime, për të zbuluar motivet e ngjarjes dhe për ta zbardhur rastin në tërësi. Trupi i pajetë i të miturit, me urdhër të prokurorit, është dërguar në Institutin e Mjekësisë Ligjore për obduksion”, thuhet në njoftimin.
Të përfshirët e tjerë në këtë rast janë liruar me procedurë të rregullt.
Koha ka raportuar gjatë së hënës se i ndjeri L.B. ishte 15-vjeçar.
-
Paraburgim për dy të dyshuar për vrasjen në Prizren
-
Një muaj paraburgim ndaj të miturit për vrasjen në Kobaj të Prizrenit
-
Kërkohet paraburgim për dy djemtë dhe nënën e tyre lidhur me vrasjen e 27-vjeçarit në Prizren
-
Kërkohet një muaj paraburgim për një të mitur, i dyshuar për vrasjen e rreshterit Lika
-
Një muaj paraburgim për të miturin që vrau 15-vjeçarin në Prizren