Me tre muaj burgim është dënuar A.H., ish-kunati i Elvedina Hajdarit nga Drenasi, që kishte shkelur urdhrin e gjykatës për të mos iu afruar Hajdarit më afër se 10 metra.
A.H. më 24 maj të vitit të shkuar i ishte afruar viktimës duke vozitur vrullshëm me veturë. Sipas aktgjykimit të Gjykatës Themelore në Prishtinë, ai “me dashje nuk e ka përfillur aktvendimin aktiv të plotëfuqishëm”.
Në vendim theksohet se i pandehuri duke iu afruar vrullshëm me veturë viktimës, ia ka frikësuar edhe dy vajzat e mitura, me të cilat e dëmtuara po ecte në këmbë.
Ditë më parë, palët paraqitën fjalët përfundimtare. Hajdari pati kërkuar dënim maksimal, duke pretenduar se i është cenuar jeta. Ndërsa mbrojtësi i të pandehurit pati thënë se nuk ka prova të mjaftueshme kundër klientit të tij.
Pos ish-kunatit, Hajdarit me vendim s’kanë të drejtë t’i afrohen as ish-bashkëshorti e babai i tij.
Edhe
Kunati akuzohet se shpërfilli urdhrin gjyqësor për të mos iu afruar viktimës
Elvedina Hajdari jeton në një oborr me ish-bashkëshortin dhe familjen e tij. Pasi përjetoi dhunë, ajo vendosi të kthehej aty, disa kohë pas qëndrimit në strehimore.
