Tre persona, pjesëtarë të një familjeje, janë mbytur të dielën në det në Kavajë, raportoi "Euronews Albania".
Siç është raportuar, babai 55-vjeçar bashkë me dy djemtë e tij të mitur rreth 13 dhe 15 vjeç kanë vdekur si pasojë e rrymave detare.
Shërbimet e Njësisë Policore Detare kanë ndërhyrë, por nuk kanë arritur t’i shpëtojnë viktimat.
*Fillimisht nga Policia e Shtetit është raportuar se viktimat janë shtetas kosovarë, e më pas në një njoftim të përditësuar thuhet se janë nga Tirana.
“Më datë 09.07.2023, në plazhin Vilë-Boshtovë, duke notuar në det janë mbytur tre shtetas kosovarë, pjesëtarë të së njëjtës familje (babai rreth 55 vjeç, dhe dy djemtë e tij të mitur rreth 13 dhe 15 vjeç). Shërbimet e Njësisë Policore Detare kanë ndërhyrë për t’i shpëtuar, por të tre shtetasit kishin ndërruar jetë si pasojë e rrymave detare”, ka njoftuar policia në komunikatën e parë.