Ministri i Brendshëm i Kosovës, Xhelal Sveçla, ka kërkuar që sa më shpejt të sillen para drejtësisë përgjegjësit për plagosjen e policit në Kishën e Zllakuqanit.
Sveçla ka thënë se polici Januz Veselaj ishte plagosur gjatë tentim vjedhjes, ndërsa pas tretmanit në QKUK ai është liruar për në shtëpi. Plagosja ndodhi në orët e hershme të së enjtes.
“Gjatë reagimit në një tentim vjedhje në Kishën e Zllakuqanit në mëngjesin e sotëm, gjatë shkëmbimit të zjarrit me personat e dyshimtë është plagosur pjesëtari i Policisë së Kosovës Januz Veselaj. Përgëzoj zyrtarët policor për përgjigjen e shpejtë në rast pas marrjes së informatës dhe zyrtarin Januz Veselaj për reagimin profesional përkundër rrezikimit të jetës së tij. Nga Drejtori i Policisë jam njoftuar se zyrtari Veselaj pas tretmanit të nevojshëm në QKUK është liruar për në shtëpi. I uroj shërim dhe kthim të shpejtë në detyrë. Kërkoj nga njësitet përkatëse zbardhjen sa më të shpejtë të këtij rasti dhe sjelljen e kriminelëve para drejtësisë. Kushdo që në çfarëdo forme tenton të cenojë jetën apo pronën e qytetarëve tanë dhe shtetit tonë do të ballafaqohet me forcën e ligjit”, ka shkruar Sveçla në Facebook.
Plagoset një polic nga hajnat që u futën në shtëpinë e një prifti në Klinë
Një zyrtar policor është plagosur derisa zyrtarët janë përballur me disa hajna që kishin hyrë në...-
Sveçla viziton policin e plagosur në Klinë: Hetimet po zhvillohen me intensitet të lartë
-
Sveçla në vendin ku u kidnapua Vukashinoviqi: Autorët do të dalin para përgjegjësisë
-
Sveçla për rrëmbimin e serbit: Shkelje e kufijve shtetërorë, koha e fundit që ndërkombëtarët të ndëshkojnë Serbinë
-
Vrasja e trefishtë në Gjilan, Sveçla i indinjuar me institucionet e drejtësisë
-
PDK-ja kërkon dorëheqjen e Sveçlës pas vdekjes së Agon Zejnullahut