Avokati Arianit Koci ka deklaruar se një familje rome është sulmuar të dielën në një qendër tregtare në Prizren. Ai shkroi në Facebook se një deputet ka njoftuar se sigurimi i qendrës e ka sharë personin, derisa ka vazhduar me rrahje e kërcënime.
Ky është sulmi brutal ndaj një familje rome, dje në një qendër tregtare në Prizren. Sipas një deputeti të Republikës së Kosovës, shkas për sulm nga ana e sigurimit të qendrës, paska qenë vendosja e maskës. Prindërit dhe vajza e 11 vjeqare, e kanë pasur maskën. Djali jo. Gjithnjë sipas deputetit, sigurimi e sulmon njërin prej familjarëve fizikisht, në prani të familjes- për shkak të mos pasjës së maskës, duke e sharë: “Ta q… magjupin e nanës”. Sulmuesi ka vazhduar me rrahje dhe kërcënime serioze. Tre persona janë arrestuar, dy prej të cilëve (romët, babë e bir), janë liruar pas disa orësh. Vajza 11 vjeqare është e traumatizuar. Duhet theksuar që pjesëtari i sigurimit dhe kjo familje rome, njihen dhe jetojnë në pjesën e njejtë të qytetit.
Posted by Arianit Koci on Monday, November 22, 2021
Në ngjarje thuhet se ka qenë edhe një vajzë 11-vjeçare.
“Duhet theksuar që pjesëtari i sigurimit dhe kjo familje rome, njihen dhe jetojnë në pjesën e njejtë të qytetit”, ka shkruar Koci.
KOHA të dielën e ka konfirmuar rastin e Policia e Kosovës.