Prokuroria Themelore në Prizren ka ngritur aktakuzë ndaj B.A., B.A., T.Ç. dhe A.B.., të dyshuar se kanë kryer veprat penale 'lëndim i lehtë trupor' dhe 'sulm' në një qendër tregtare.
Sipas njoftimit, dy të pandehurit me inicialet B.A., njëri i lindur në vitin 1999 e tjetri 1976, e kanë sulmuar të dëmtuarin T.Ç., për shkak të mosvendosjes së maskës. Atë e kanë goditur me grushte duke e rrëzuar përtokë.
Ndërsa, T.Ç. dhe A.B., më pas e kanë sulmuar të dëmtuarin B.A. (1976) në pjesë të ndryshme të trupit, duke i shkaktuar lëndime të lehta.
Prokurori i çështjes me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartcekur për veprat penale për të cilat akuzohen të shpallen fajtorë dhe të dënohen sipas ligjit.
-
U ngrihet aktakuzë 11 personave për rrahjen masive në Prizren ku u plagos një person
-
Rrahje në një qendër tregtare në Prizren, arrestohen katër persona
-
Arrestohen tre persona pasi sulmuan një tjetër brenda një marketi në Prizren
-
Plagoset një person në Prizren
-
Arrestohen dy qytetarë dhe një polic për "sulm" në Prizren