Policia greke ka finalizuar një operacion antidrogë në kuadër të të cilit janë sekuestruar 248 kilogramë lëndë narkotike e llojit marihuanë.
Gjatë operacionit policia ka arrestuar dy shtetas shqiptarë dhe një grek, të implikuar në rrjetin e trafikut.
Sipas informacioneve, policia greke ka ndjekur dy automjete që vinin nga kufiri i gjelbër. Pas disa kilometrash i ka ndaluar. Në njërën prej tyre, e cila drejtohej nga një 27-vjeçar shqiptar janë gjetur 248 kilogramë marihuanë, shkruajnë mediet në Shqipëri.
Ky i fundit, ishte arratisur nga burgu i Trikalas në 15 Shkurt të vitit 2013, pasi ishte larguar me leje por nuk ishte kthyer më. Atij iu gjet me vete edhe një kartë identiteti e falsifikuar, me emër tjetër.
Ndërkohë, policia ka prangosur edhe dy persona të tjerë, një grek dhe një shqiptar. Emrat e të ndaluarve nuk janë zbuluar për arsye hetimore.
-
Polici grek dhe një shqiptar arrestohen me 102 kilogramë marihuanë
-
Kapet në Greqi shqiptari me 270 kg drogë
-
Transportonin 208 kg drogë, arrestohet shqiptari dhe tre grekë
-
Sekuestrohen 248 kg kanabis në Greqi, në mes 5 të arrestuarve dhe një shqiptar i arratisur nga burgu
-
Arrestohen 3 shqiptarë në Greqi, u kapën me 156 kg marihuanë