Shisnin teste në Fakultetin Juridik, arrestohen dy të dyshuar për “mashtrim”

Dy persona janë arrestuar dy të dyshuar për shitje të testeve në Fakultetin Juridik në Universitetin e Prishtinës.

Policia e Kosovës përmes një komunikate për media bën të ditur se hetuesit policorë të Njësisë për Hetimin e Krimeve Ekonomike dhe Korrupsionit në Prishtinë (NJRHKEK), po sa kanë pranuar të dhëna, menjëherë kanë filluar hetime nën dyshimin se persona të dyshuar po shesin ,,teste” që u parashtrohen studentëve të Fakultetit Juridik të UP-së.

“Më 28.06.2019 policia ka siguruar Urdhëresën nga Gjykata Themelore Prishtinë për masa të fshehta teknike të vëzhgimit dhe hetimit ‘simulimi i një vepre të korrupsionit’, pasi dyshohej se persona të dyshuar janë duke konsumuar veprën penale ‘mashtrim’”, thuhet në komunikatë.

Tutje Policia shton se sot, datë 2 korrik 2019, në realizim të masave të fshehta të hetimit dhe në zbatim të planit hetimor policor, rreth orës 16:35, policia në flagrancë e ka arrestuar një të dyshuar i cili posa kishte pranuar 100 euro në këmbim të ofrimit të ,,testit”, tek i njëjti janë gjetur parat që janë përdorur si stimulim i veprës penale, po ashtu policia ka arrestuar edhe personin e dytë pasi dyshohet se që të dy vepronin së bashku.

Policia, nën dyshimin e përfshirjes në veprimtari penale, ka arrestuar:

G.S. viti i lindjes 1996 m.k.sh dhe

Edhe Kronikë 25 shk 2026 Ndalohen dy persona të dyshuar për mashtrim me një pronë në Veternik, iu sekuestrohen para e dokumente false

E.B. viti i lindjes 1992 m.k.sh.

Me aktvendim të prokurorit, dy të dyshuarve u shqiptohet masa e ndalimit për 48 orë.