-
Nga:
Ardit Kika
- 29 qershor 2025 16:04
- Shpërndaje në:
Prokuroria Themelore në Prishtinë ka kërkuar që gazetarit Valon Syla, i dyshuar veprat “dhunë në familje” dhe “lëndim i lehtë trupor” t’i shqiptohet masa “e ndalimit të afrimit vendit ose personit të caktuar”, në këtë rast që të mos i afrohet banesës apo vendndodhjes së viktimës.
“Lidhur me pyetjen tuaj ju njoftojmë, se Prokurori i shtetit ka kërkuar në gjykatë për të pandehurin V.S. masën e ndalimit për të ju afruar vendit apo personit të caktuar në bazë të nenit 171 të Kodit të Procedurës Penale”, ka njoftuar Prokuroria.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoProkuroria Themelore në Prishtinë e ka konfirmuar për KOHËN se Syla dyshohet për dy vepra penale: “Dhunë në familje” dhe “Lëndim i lehtë trupor”.
Të hënën do të mbahet seanca e parë dëgjimore në orën 10:00.
Për këtë çështje ka reaguar ministrja në detyrë e Drejtësisë, Albulena Haxhiu, që tha se Prokuroria s’ka kërkuar paraburgim për Sylën, por ndalim të afrimit te viktima. Haxhiu tha se këto veprime i inkurajojnë dhunuesit “që të vazhdojnë me veprime të dhunshme, sepse ther në këmbë nuk i mbetet”.
“Prokuroria nuk ka kërkuar paraburgim për dhunuesin Valon Syla, por ndalim të afrimit te vendi apo personi i caktuar, përkatësisht viktima. Mjafton të dalësh nëpër studio, që të trajtohesh ndryshe nga sistemi i drejtësisë. Këto veprime, përveç që janë të papranueshme, edhe i inkurajojnë dhunuesit që të vazhdojnë me veprime të dhunshme, sepse ther në këmbë nuk i mbetet. Mjerim!”, ka shkruar ajo në Facebook.