Policia e Kosovës ka zhvilluar kontrolle në gjashtë shkolla të mesme të larta dhe të ulëta në komunën e Vushtrrisë.
Policia ka raportuar se në katër raste të ndara tek nxënësit janë gjetur dhe sekuestruar thika dhe boks hekuri.
Në total janë sekuestruar tri thika dhe një boks i hekurit.
“Lidhur me rastet janë ndërmarrë veprimet e nevojshme policore, në koordinim me institucionet përkatëse. Policia do të vazhdojë me aktivitete parandaluese me qëllim të ofrimit të sigurisë në ambientet shkollore dhe ruajtjes së rendit dhe qetësisë publike”, ka njoftuar Policia e Kosovës.