Policia e Kosovës është duke hetuar dy raste të vdekjeve në Prishtinë dhe Fushë-Kosovë.
Sipas njoftimit në raportin 24-orësh të Policisë, në Prishtinë është gjetur një burrë pa shenja jete. Në vendin e ngjarjes kanë dalë njësitë përkatëse, ku me vendim të prokurorit trupi i pajetë është dërguar në IML për obduksion. Rasti në procedurë hetimore.
Ndërkaq në Fushë-Kosovë, është raportuar se një burrë është gjetur i shtrirë pa shenja jete. Në vendin e ngjarjes kanë dalë njësitë relevante policore dhe ekipi mjekësor ku është konstatuar vdekja e viktimës. Me urdhër të prokurorit trupi i pajetë i viktimës është dërguar në IML për obduksion. Ndërkaq rasti është në procedurë hetimore.
Artikuj të ngjashëm
