Një person është gjetur pa shenja jete mëngjesin e së martës në fshatin Jelloc të Klinës.
Sipas zëdhënësit të Policisë për rajonin e Pejës, Driton Rugova, njësitë policore kanë dalë në vendin e ngjarjes dhe ekipi mjekësor ka konstatuar vdekjen e viktimës.
“Sot, më datë 29.09.2026, rreth orës 06:20, Policia është njoftuar se në fshatin Jelloc, Komuna e Klinës, një person ishte gjetur pa shenja jete. Njësitë policore menjëherë kanë dalë në vendin e ngjarjes, ndërsa në vendngjarje ka dalë edhe ekipi mjekësor, i cili ka konstatuar vdekjen e viktimës. Me urdhër të Prokurorit të Shtetit, trupi i pajetë është dërguar në Institutin e Mjekësisë Ligjore (IML) në Prishtinë, për obduksion. Rasti është cilësuar ‘Hetim i vdekjes’ dhe mbetet nën hetim nga organet kompetente”, thuhet në njoftim.