Dy persona të maskuar nën kërcënim të armëve kanë grabitur një pikë karburanti në Klinë.
Rasti ka ndodhur në orët e hershme të së hënës.
Dy viktima kanë raportuar në Polici se derisa ishin duke punuar, kanë hyrë dy persona të armatosur dhe u kanë grabitur 450 euro, një shufër dhe një telefon.
“Klinë, 11.10.2021 – 00:51. Dy ankuesit meshkuj kosovarë kanë raportuar se dy të dyshuar meshkuj të maskuar, kanë hyr në pikën e karburantit ku viktimat ishin duke punuar dhe nën kërcënimin e armëve të shkurta kanë grabitur 450 €, një shufër dhe një telefon dhe kanë ikur. Njësitë relevante policore kanë dal në vendin e ngjarjes. Në lidhje me rastin është njoftuar prokurori i shtetit. Rasti vazhdon të hetohet”, thuhet në raportin e Policisë.
Një grabitje tjetër ka ndodhur në Prishtinë në mbrëmjen e të dielës. Një grua ka raportuar se derisa ishte në vend pune i janë grabitur nga një person rreth 300 euro.
“Rr. Fahri Fazliu, Prishtinë, 10.10.2021 – 21:58. Ankuesja femër kosovare ka raportuar se derisa kishte qenë duke punuar nga një i dyshuar mashkull nën kërcënim, kanë grabitur rreth 250-300 €. Njësitë relevante policore kanë dal në vendin e ngjarjes. Në lidhje me rastin është konsultuar prokurori i shtetit. Rasti vazhdon të hetohet”, thuhet në raportin e Policisë.
-
Grabitje në një pompë në Prishtinë, vidhen mbi 2 mijë e 500 euro nën kërcënim e thikës
-
Grabitje e armatosur në një pompë derivatesh në Lipjan
-
Raportohen dy raste të grabitjeve në 24 orët e fundit në Kosovë
-
Grabitet një pikë karburanti, dy të maskuar me armë vodhën para
-
Grabitje e armatosur në Prishtinë, të dyshuarit në arrati