Dy raste të grabitjeve nga persona të maskuar e nën kërcënimin e armëve janë raportuar në 24 orët e fundit në Policinë e Kosovës.
Njëri rast ka ndodhur në Prishtinë, ku dy burra kanë raportuar se dy persona të maskuar nën kërcënimin e armës kanë grabitur para në një lokal.
“Prishtinë / 06.02.2024 – 17:25. Dy ankuesit meshkuj kosovarë kanë deklaruar se nga dy persona të dyshuar me maska në kokë nën kërcënimin e armës kanë grabitur nga lokali një shumë parash, dhe janë larguar në drejtim të panjohur. Nuk raportohet për të lënduar. Rasti nën hetime”, thuhet në raportin e Policisë.
Ndërkohë që një rast tjetër ka ndodhur në Mitrovicë të Jugut, ku një burrë ka raportuar se nën kërcënimin e armës i janë grabitur para.
“Mitrovicë Jugu / 06.02.2024 – 21:56. Ankuesi kosovar ka njoftuar policinë se është ndaluar nga dy persona të dyshuar të maskuar dhe nën kërcënimin e revoles i janë grabitur para të gatshme. Të dyshuarit pas kryerjes së veprës janë larguar në drejtim të panjohur. Nuk raportohet për të lënduar. Rasti në hetime”, thuhet në raportin e Policisë.
-
Grabitje e armatosur në Prishtinë, të dyshuarit në arrati
-
Dy të huajve në Prishtinë u grabiten të holla nën kërcënimin e armës dhe thikës
-
Një shtetas kinez raporton se iu grabitën 20 euro në Prishtinë, arrestohen dy të dyshuar
-
Arrestohen tre të dyshuarit për grabitjen e 40 eurove në Prizren
-
Tre persona të armatosur sulmojnë dy qytetarë në Prizren, ua vodhën 40 euro