Policia e Kosovës ka parandaluar një rast të kontrabandimit të mallrave me vlerë dhjetëra mijëra euro në zonën kufitare me Maqedonia e Veriut. Rasti ka ndodhur në zonën malore ndërmjet fshatit Radush dhe rrugës që lidh fshatin Goranc me Hanin e Elezit.
Sipas njoftimit, njësitë e Policisë Kufitare, në kuadër të planit operativ “Mburoja e hekurt”, kanë identifikuar një automjet që lëvizte në një rrugë ilegale nga territori i Maqedonisë së Veriut drejt Kosovës.
“Drejtuesi i automjetit dhe një pasagjer kanë tentuar të ikin, por policia ka arritur ta ndalojë mjetin dhe të arrestojë njërin nga të dyshuarit, shtetas i Maqedonisë së Veriut”, thuhet në njoftim.
Gjatë kontrollit, janë gjetur dhe sekuestruar mallra të ndryshme pa dokumentacion përkatës, me vlerë që sipas vlerësimeve fillestare kalon dhjetëra mijëra euro.
Me urdhër të prokurorit kompetent, i dyshuari është ndaluar për 48 orë, ndërsa automjeti dhe mallrat janë konfiskuar si dëshmi në procedurë penale.
-
Aksioni në veri - 10 të arrestuar, 200 mijë euro mall i kontrabanduar e 22 automjete
-
Kapen mallra të kontrabanduara në Fushë-Kosovë, arrestohen dy persona
-
Parandalohet futja e mbi 30 mijë eurove të padeklaruara në pikën kufitare në Bërnjak
-
Në një veturë në pikën kufitare Han i Elezit gjenden mbi 13 mijë euro të padeklaruara
-
Arrestohet një person i kërkuar ndërkombëtarisht nga Maqedonia e Veriut