Një kamion transportues ka marrë flakë gjatë pasdites të së mërkurës në autostradën “Arbën Xhaferi” në rrugën Prishtinë-Lipjan.
Asnjë person nuk ka mbetur i lënduar si pasojë e zjarrit që ka kapluar automjetin, ka njoftuar zëdhënësi i Policisë, Daut Hoxha.
Ende nuk dihet se si ka ndodhur deri te shkaktimi i flakëve, ndërsa në vendin e ngjarjes kanë dalë njësitë e Policisë dhe zjarrfikësit.
“Më 13.07.2022, rreth orës 17:00 në autostradën ‘Arbër Xhaferi’ Prishtinë - Lipjan, është raportuar se një kamion transportues është përfshirë nga zjarri. Policia dhe Zjarrfikësit kanë dalë në vendin e ngjarjes, përderisa deri në këtë fazë nuk raportohet për ndonjë person të lënduar”, ka thënë Hoxha.
