Një person ka mbetur i lënduar si pasojë e një aksidenti trafiku të ndodhur të mërkurën në Prishtinë.
Aksidenti ka ndodhur te rruga “Bill Clinton” midis një motoçiklete dhe një kamioni, ka njoftuar për KOHËN zëdhënësi i Policisë, Enis Pllana.
Personi i lënduar ka pranuar trajtim mjekësor.
“Sot rreth orës 09:30 kemi pranuar informatën për një aksident trafiku me lëndime në rrugën ‘Bill Klinton’ në Prishtinë. Në aksident janë përfshirë një motoçikletë dhe një kamion. Si pasojë lëndime ka pësuar një person, i cili ka pranuar tretman mjekësor. Me rastin po merret njësia e trafikut të kryeqytetit”, ka thënë Pllana.