Ngrihet aktakuzë ndaj zyrtarit të Komunës së Novobërdës që mori pagë pa dalë në punë

Prokuroria Themelore ne Gjilan ka ngritur aktakuzë kundër të pandehurve S.V, A.A dhe N.D, për shkak të veprës penale “Keqpërdorimi i pozitës apo i autoritetit zyrtar”.

Sipas prokurorisë, një nga ta e ka marrë rrogën si punëtor në Komunën e Novobërdës, kurse dy të tjerët ia kanë mundësuar përfitimin pasuror.

Në njoftim thuhet në paga mujore e zyrtarit ishte 427 euro dhe ajo i është paguar nga prilli 2019 deri në dhjetor 2020.

“I pandehuri S.V., në cilësi të zyrtarit të Komunës së Novobërdës, ka keqpërdorur pozitën zyrtare duke mos u paraqitur në vendin e tij të punës dhe ka pranuar pagën mujore prej 427€, nga buxheti i Komunës së Novobërdës, nga muaji prill 2019 deri në dhjetor te vitit 2020, ashtu që në mënyrë të kundërligjshme ka përvetësuar për vete shumën prej 14.116.94€ dhe ka dëmtuar buxhetin komunal ne shumën e lartcekur. Ndërsa të pandehurit A.A dhe N.D, në cilësinë e drejtorëve për Zhvillim Ekonomik në Komunën e Novobërdës, kanë keqpërdorur pozitën zyrtare, për t’i shkaktuar përfitim pasuror të kundërligjshëm zyrtarit komunal – të pandehurit SV, dhe përkundër që i njëjti nuk është lajmëruar ne punë, nuk e kanë larguar nga lista e pagave dhe me këtë kanë kryer veprën penale ;Keqpërdorimi i pozitës apo i autoritetit zyrtar’”, thuhet në njoftim.