Prokuroria Speciale e Republikës së Kosovës ka njoftuar se ka ngritur aktakuzë ndaj A.Z. dhe F.Rr., për veprat penale “Përvetësimi në detyrë” , “Keqpërdorimi i pozitës apo autoritetit zyrtar”, “Ndihma në kryerjen e veprës penale - Keqpërdorimi i pozitës apo autoritetit zyrtar”.
Sipas aktakuzës, A.Z., në cilësinë e menaxherit të Financave dhe më pas ushtrues detyre i kryeshefit ekzekutiv në “Pallati i Rinisë” Sh.A. në Prishtinë, dyshohet se gjatë viteve 2021–2022, ka keqpërdorur mbi 137 mijë euro të ndërmarrjes, duke realizuar transfere të paautorizuara në llogaritë personale dhe të personave të tjerë.
Me këto veprime, A.Z., në njoftimin e Prokurorisë thuhet se ai akuzohet se ka kryer veprat penale “Përvetësimi në detyrë” dhe “Keqpërdorimi i pozitës apo autoritetit zyrtar”.
Ndërsa, F.Rr., sipas njoftimit, në cilësinë e zyrtarit përgjegjës për sigurim, dyshohet se ka ndihmuar A.Z., duke tërhequr mjete financiare në para të gatshme dhe duke ia dorëzuar ato, me ç’rast ka mundësuar përfitimin e kundërligjshëm në vlerë prej 9,250 euro.
Ai thuhet se ngarkohet për veprën penale “Ndihma në kryerjen e veprës penale - Keqpërdorimi i pozitës apo autoritetit zyrtar”.
-
Aktakuzë për keqpërdorim të pozitës ndaj drejtorit të Kulturës në Suharekë
-
Dënohen për korrupsion dy ish-zyrtarë të “Pallatit të Rinisë”
-
Aktakuzë për keqpërdorim detyre dhe mashtrim në prokurim publik në Prizren
-
Arrestohet në Prizren i dyshuari për keqpërdorim të detyrës zyrtare, përvetësoi kundërligjshëm mbi 150 mijë euro
-
Aktakuzë ndaj katër zyrtarëve për mirëmbajtje të urave – tenderi 500 mijë eurosh përfundoi në 5.3 milionë