Prokuroria Themelore në Gjakovë ka ngritur aktakuzë ndaj një zyrtari të Spitalit të Përgjithshëm “Isa Grezda” në Gjakovë, nën dyshimin për keqpërdorim të pozitës apo autoritetit zyrtar.
Sipas njoftimit të Prokurorisë, i pandehuri me inicialet Z.M., në cilësinë e Drejtorit të Departamentit të Administratës dhe Shërbimeve Ndihmëse në spital, dyshohet se nga janari i vitit 2019 deri në fund të vitit 2023 nuk i ka përmbushur detyrat zyrtare me qëllim të përfitimit të dobisë pasurore për një nëpunës tjetër.
Në aktakuzë thuhet se Z.M., edhe pse ishte njoftuar paraprakisht për mungesat në punë të nëpunësit me inicialet Xh.Z., nuk kishte nisur procedurë disiplinore ndaj tij, në kundërshtim me Ligjin për Zyrtarët Publikë.
Sipas Prokurorisë, në këtë mënyrë nëpunësit Xh.Z., i cili mbante pozitën e operatorit në statistikë në spital, iu mundësua të përfitonte pagë bruto totale në vlerë prej 21 mijë e 473 euro e 42 centë, pa u paraqitur në vendin e punës gjatë periudhës 2019-2023.
Me këtë rast buxhetit të shtetit i është shkaktuar dëm material.
Edhe
Arrestohet zyrtari i Komunës së Kllokotit, mori pagë 7 vjet pa dalë në punë
“Me këto veprime ka kryer veprën penale Keqpërdorimi i pozitës apo autoritetit zyrtar”, thuhet në njoftimin e Prokurorisë.
Prokurori i rastit i ka propozuar gjykatës që Z.M. të shpallet fajtor dhe të dënohet sipas ligjit, si dhe t’i shqiptohet dënim plotësues për ndalimin e ushtrimit të funksioneve në administratën publike ose shërbimin publik.
-
Aktakuzë ndaj drejtorit të kompanisë, paraqiti dokumentacion të rremë për tenderin e MSH-së
-
Ngrihet aktakuzë ndaj dy zyrtarëve të Komunës së Suharekës, lejuan shkelje në një objekt ndërtimor
-
Aktakuzë ndaj 4 personave e 3 kompanive për keqpërdorime në kontratat e rrugëve në Suharekë
-
Aktakuzë për keqpërdorim të pozitës ndaj drejtorit të Kulturës në Suharekë