Në Gjakovë arrestohen shtatë të dyshuar për falsifikim të parave

Shtatë persona janë arrestuar në Gjakovë nën dyshimin për falsifikim të parave.

Siç është bërë e ditur përmes një komunikate, Policia ka identifikuar të dyshuarit e mundshëm dhe në orët e mbrëmjes së mërkurës, në përcjellje të të njëjtëve, në Rr “Ferid Domi” në Gjakovë, ka ndaluar vozitësin e automjetit që ishte në qarkullim, ku së bashku më të njëjtin ishte dhe një person tjetër.

Sipas njoftimit, gjatë kontrollit sipërfaqësor për siguri të automjetit dhe personave, në portofolin e njërit, tani të dyshuarit është gjetur një kartëmonedhë prej 100 euro, e dyshuar si e falsifikuar.

Zyrtarët policorë në vazhdën e punës operative kanë identifikuar një grup të personave të dyshuar, kanë lokalizuar vendndodhjen e tyre dhe kanë shoqëruar në stacionin policor edhe pesë persona, ku gjatë kontrollit te një i dyshuari janë gjetur edhe gjashtë bankënota në apoen nga 100 euro te cilat dyshohet se janë të falsifikuara.

Paratë e gjetura dhe të dyshuara për falsifikim janë konfiskuar.

Me konsultim me prokurorin kujdestar pas intervistimit katër të dyshuarve të mitur B.P. i lindur në vitin 2005, A.P. i lindur në vitin 2005, F.G. i lindur në vitin 2005 dhe A.S. i lindur në vitin 2005, iu është caktuar masa ndalim policor prej 24 orësh. Kurse tre personave tjerë të dyshuar E.R. i lindur në vitin 2004, sh/k, K.N. i lindur në vitin 2003, sh/k dhe A.B.i lindur në vitin 1999, sh.k. iu është caktuar masa ndalim policor prej 48 orësh.