Ndalohet një person në Pejë për kontrabandë me emigrantë

Një person është ndaluar në Pejë pasi gjatë kontrollit të automjetit të tij janë hasur katër pasagjerë qytetarë të huaj.

Pas kontrollit, prokurori kujdestar lëshoi aktvendimin për ndalimin e të dyshuarit derisa me personat e tjerë sipas raportit të Policisë së Kosovës do të vijojnë procedurat e rregullta.

“Njësia patrulluese ka ndaluar një automjet me targa vendore me drejtues të dyshuarin mashkull kosovar dhe gjatë kontrollit në automjetin e tij janë hasur katër pasagjerë qytetarë të huaj. Lidhur me rastin është njoftuar prokurori kujdestar i cili ka lëshuar aktvendim mbi ndalimin e personit të dyshuar-drejtuesit të automjetit, ndërsa me personat do te vijojnë procedurat e rregullta”, thuhet në raportin 24-orësh të Policisë së Kosovës.

Rasti është cilësuar si “Kontrabandë me emigratë”