Policia e Kosovës ka ndaluar një person në magjistralen Ferizaj – Kaçanik në hyrje të Kaçanikut sot rreth orës 10:00.
Shoferi 34-vjeçar F.RR. po drejtonte veturën ndonëse e kishte lejen e pezulluar për gjashtë muaj.
Pezullimi kishte hyrë në fuqi nga 21 tetori i vitit të kaluar deri më 22 prill të këtij viti.
“Në lidhje me këtë policia, shoferit i shqiptoi edhe një gjobë, sipas ligjit të komunikacionit rrugor, nga neni 250.4 , prej 300 euro dhe ndaj tij vazhdohet masa e ndalimit të patentë shoferit edhe për 6 muaj të tjerë”, thuhet nga Drejtoria Rajonale e Policisë në Ferizaj.
