Dy persona janë paraqitur në Polici e më pas janë ndaluar për 48 orë me vendim të Prokurorit të Shtetit pasi dyshohet për lëndim të rëndë trupor, armëmbajtje pa leje dhe për kanosje.
Prokuroria Themelore në Prishtinë ka njoftuar se A.D. dhe L.D. dyshohen lidhur me një rast të ndodhur në mars ku i dëmtuar ishte një zyrtar i Inspektoratit Policor.
“Në bazë të veprimeve hetimore të ndërmarra deri më tani, gjatë të cilave janë siguruar dëshmi që mbështesin dyshimin e bazuar, rezulton se rasti ka të bëjë me një ngjarje të ndodhur më datë 23 mars 2026 në Prishtinë, ku i dëmtuar është një zyrtar i Inspektoratit të Policisë së Kosovës (IPK), për të cilën Prokuroria ka zhvilluar veprime intensive hetimore me qëllim të sqarimit dhe ndriçimit të plotë të të gjitha rrethanave të këtij rasti”, thuhet në njoftim.
Hetimet lidhur me rastin po vazhdojnë deri në zbardhjen e ngjarjes, ka thënë Prokuroria.
-
Rekomandohet suspendimi i dy policëve për kanosje në raste të ndara
-
Suspendohet një polic pas incidentit me parking në një qendër tregtare
-
Arrestohet një zyrtar policor në Gjilan, dyshohet se jashtë detyrës u përfshi në një zënkë
-
Lëndohet rëndë një person në Prishtinë pas përleshjes fizike me dy të tjerë
-
Katër persona ndalohen në Prishtinë pas një konflikti familjar