Dy edukatoret që akuzohen për dhunë ndaj një fëmije trevjeçar në kopshtin “Gëzimi ynë” në Fushë-Kosovë, janë liruar nga paraburgimi.
Këtë e ka konfirmuar për KOHËN zëdhënësja e Gjykatës Supreme, Antigona Uka-Lutfiu.
“Është e vërtetë, iu është ndërprerë masa e paraburgimit”, ka thënë ajo shkurtazi.
Më 19 shtator është raportuar për dyshimin për rrahje të 3-vjeçarit nga edukatoret në çerdhen publike në Fushë-Kosovë.
Rasti është raportuar nga një familjar, i cili në Facebook ka postuar fotografi dhe video të nxjerra nga kamerat e vendosura brenda çerdhes.
“Nipi im ka pësuar trauma të rënda psiqike dhe nuk mund të flejë më, nipi po përjeton një ankth të madh", ka shkruar ai në Facebook. Ai ka kërkuar nga “organet e drejtësisë të bëjnë punën e tyre”.
-
Aktakuzë ndaj edukatores dhe kuzhinieres për keqtrajtim të fëmijës në çerdhe në Fushë-Kosovë
-
Kërkohet paraburgim për të dyshuarat në rastin e keqtrajtimit të 3-vjeçarit në çerdhe
-
Ndalohen për 48 orë dy edukatoret me dyshimin për keqtrajtim të një 3-vjeçari
-
Avokati Hasani: Edukatoret që s’raportuan dhunën ndaj 3-vjeçarit po ashtu bënë vepër penale
-
Dyshohet se një 3-vjeçar është rrahur nga edukatoret në një çerdhe publike në Fushë-Kosovë