Operator Sistemi, Transmisioni dhe Tregu-KOSTT ka njoftuar në mbrëmje se furnizimi me energji elektrike mbetet i sigurt dhe pa ndërprerje në të gjithë territorin e Kosovës, pas shpërthimit në kanalin e Ibër-Lepencit në Zubin-Potok.
“KOSTT informon të gjithë qytetarët e afektuar dhe të gjitha palët e interesuara se incidenti i raportuar së fundmi në kanalet e ujitjes në Ibër Lepenc në Zubin Potok nuk ka asnjë ndërlidhje me ndërprerjet e energjisë që lidhen me NS Prishtina 1, të shkaktuara nga incident i lokalizuar. Furnizimi me energji elektrike mbetet i sigurt dhe pa ndërprerje në të gjithë territorin e vendit. Po ashtu, ekipet tona janë duke monitoruar në mënyrë të vazhdueshme situatën për të garantuar stabilitetin dhe funksionimin e sigurtë të sistemit të energjisë elektrike”, njoftimi i plotë i KOSTT-it.
Kanali i Ibër-Lepencit dërgon ujë që përdoret për ftohje në procesin e prodhimit të rrymës në termocentralet Kosova A dhe Kosova B.
Shpërthim në kanalin e Ibër-Lepencit në Zubin-Potok
Një shpërthim i fuqishëm ka ndodhur të premten në mbrëmje në fshatin Varagë të Zubin Potokut....-
KEK-u thotë se furnizimi me energjinë elektrike është stabil
-
Sigurohet furnizim i rregullt me energji pas sulmit në veri
-
Investimi në “Ibër-Lepenc” vlerësohet strategjik për sigurinë ujore
-
Rikthehet furnizimi me rrymë pas ndërprerjes si pasojë e shembjes së rrugës “Don Shtjefën Kurti”
-
KOSTT-i thotë se gjendja në sistem është stabilizuar, por rryma u ndal edhe natën