Dogana e Kosovës ka njoftuar se gjatë kontrollit rutinë të udhëtarëve në arritje, në Aeroportin Ndërkombëtar “Adem Jashari” në Prishtinë, zyrtarët doganorë kanë identifikuar dy orë të reja luksoze, siç thuhet me vlerë të lartë, të cilat udhëtari s’i kishte deklaruar.
“Gjatë skanimit të bagazheve, në njërën nga valixhet e një udhëtari janë gjetur dy orë të reja luksoze, për të cilat personi nuk ka paraqitur faturë apo dokumentacion përcjellës, siç kërkohet sipas procedurave doganore”, thuhet në njoftim.
Mallrat në fjalë janë ndaluar deri në përfundimin e procedurave përkatëse, ndërsa ndaj personit thuhet se është iniciuar procedurë për kundërvajtje doganore.