Katër persona janë arrestuar në Prishtinë pas një mosmarrëveshjeje familjare që eskaloi në sulm dhe kanosje, ndërsa gjatë kontrollit policia gjeti dhe konfiskoi armë, municion dhe pajisje taktike.
Sipas Policisë së Kosovës, rasti ka ndodhur të premten, rreth orës 19:00, në rrugën “Apollonia” në Prishtinë.
Si pasojë e konfliktit, një grua ka pësuar lëndime trupore dhe ka pranuar trajtim mjekësor.
Gjatë kontrollit në shtëpitë e dy prej të dyshuarve, policia ka konfiskuar një armë automatike të gjatë me një karikator dhe 59 fishekë, një pushkë ajrore, si dhe një jelek antiplumb taktik.
Pas intervistimit, me vendim të prokurorit, katër të dyshuarit janë dërguar në mbajtje.
Rasti është iniciuar për veprat penale ”Mbajtje në pronësi, kontroll ose posedim të paautorizuar të armës”, ”Kanosje”, ”Sulm” dhe ”Asgjësim apo dëmtim i pronës”.
-
Arrestohet për dhunë në familje, i gjenden në shtëpi armë e 57 fishekë
-
Rrihen mes vete burrë e grua në Prishtinë, lirohen në procedurë të rregullt
-
Ndalohen dy persona të dyshuar për lëndim dhe kanosje të një zyrtari të IPK-së
-
Lëndohet rëndë një person në Prishtinë pas përleshjes fizike me dy të tjerë
-
Arrestohen katër persona në Ferizaj për kanosje dhe armëmbajtje pa leje