Një revole me gaz është gjetur në bagazhin e një autobusi të udhëtarëve në pikën kufitare në Merdar, ka njoftuar Policia e Kosovës të mërkurën.
Autoritetet njoftuan se arma është gjetur në autobusin e kompanisë vendore të linjës Itali-Kosovë, e ajo ishte e fshehur në valixhe të udhëtarëve.
Arma është sekuestruar, ndërsa rasti është iniciuar si “import, eksport, furnizim, transportim, prodhim, këmbim ose shitje e paautorizuar e armëve apo materieve plasëse”.
“Më datën 20.12.2023 në ora 09:05 në Pikë Kalimin Kufitar në Merdar, në hyrje të Republikës së Kosovës, zyrtarë policorë kufitar së bashku me zyrtarët doganor gjatë kontrollimit në bagazhin e autobusit të një kompanie vendore, i linjës ndërkombëtare Itali-Kosovë, me vozitës m/k dhe ndihmës vozitës m/k kanë gjetur një armë (revole me gas), e cila kishte qenë e fshehur në një valixhe udhëtarësh”, thuhet në njoftimin policor.
-
Kapet arma me 50 fishekë në një autobus
-
Pistoletë e 28 fishekë në valixhen e pasagjerit të një autobusi në Merdar
-
Ndalohet autobusi me targa të huaja në Merdar, në një valixhe gjenden pajisje të dyshuara ushtarake
-
Në Han të Elezit, në autobusin e linjës Serbi – Maqedoni e Veriut, kapet ari i kontrabanduar
-
Arrestohet shtetasja e Italisë pasi në valixhe iu gjetën substanca narkotike