Kapen dy shtetas të Kosovës me armë e veturë të vjedhur në kufi me Shqipërinë

Dy shtetas të Kosovës janë arrestuar për trafikim armësh dhe mjeteve motorike nga Policia e Shqipërisë. 

Policia në Shqipëri ka njoftuar se si rezultat i hetimeve dhe veprimeve operacionale ka arritur ta identifikojë dhe kap 38-vjeçarin  që po tentonte të trafikonte një armë dhe automjetit. 

Ai u kap në hyrje të Shqipërisë me një veturë në rimorkio që rezultoi të ishte e vjedhur në Gjermani, e që në të u gjet arma. 

“Sekuestrohen arma e zjarrit (pistoletë) me municion luftarak, automjeti tip BMË, si dhe automjeti bashkë me rimorkio me të cilin transportohej automjeti tip “BMË”. Si rezultat i verifikimeve dhe kontrolleve të detajuara të kryera në hyrje/dalje të Republikës së Shqipërisë, në bazë të analizës së riskut dhe punës operative, shërbimet e Policisë Kufitare të PKK Morinë finalizuan operacionin e koduar ‘JAD 1’”, thuhet në njoftimin e Policisë së Shtetit.

Më pas Policia ka identifikuar edhe 34-vjeçarin që kishte porositur trafikimin e armë dhe të automjetit.