Hetuesit policorë në kuadër të stacionit Jugu në Mitrovicë, në vazhdën e hetimeve për zbardhjen e veprave penale, kanë arritur të identifikojnë dhe të arrestojnë dy persona të dyshuar për përfshirje në tetë raste të ndryshme të veprave panele “vjedhjeve të renda”.
Siç njofton zëdhënësi policor për rajonin e Mitrovicës, Avni Zahiti, rastet ishin raportuara muaj më parë në zonën e përgjegjësisë së stacionit policor Jugu në Mitrovicë.
“Hetuesit policorë mbi dyshimet e ngritura dhe provat e siguruara, me datën 7 shtator 2018, në dy lokacione të ndryshme në Mitrovicë, kanë identifikuar dhe kanë arrestuar dy të dyshuarit: M. S., 20 vjeç dhe K. H. 17 vjeç, shtetas të Republikës së Kosovës.
Dy të dyshuarit janë intervistuar në prani të avokatëve, ku kanë pranuar se në bashkëkryerje kanë kryer veprat penale të vjedhjeve. Pas procedurave intervistuese, nga ana e prokurorit te rastit te dyshuarit M. S., i është caktuar masa e ndalimit policor, ndërsa i dyshuari tjetër është liruar për në procedim të rregullt”, thuhet në njoftim.
-
Dy të arrestuar në Mitrovicë për pesë raste “vjedhjesh të rënda”
-
Dy të arrestuar për vjedhje në Mitrovicë
-
Arrestohen dy të rinj për disa vjedhje të rënda në Drenas
-
Arrestohet një i dyshuar për shtatë vjedhje në dy muajt e fundit
-
Arrestohet një 23 vjeçar në Mitrovicë, i dyshuar për “vjedhje të rënda”