Një person është arrestuar në fshatin Shupkofc të Mitrovicës për veprën penale “detyrim”.
Policia ka njoftuar se i dyshuari i kishte kërkuar 5000 euro punëtorit të autolarjes me pretekstin se i ishte vjedhur nga vetura një sasi droge.
“Është arrestuar i dyshuari mashkull kosovar, pasi që kishte kërkuar 5000€ nga punëtori i autolarjes, nën pretekstin që nga vetura e të dyshuarit është vjedhur një sasi e drogës me vlerën e cekur. Me vendim të prokurorit i dyshuari është dërguar në mbajtje”, thuhet në raportin e PK-së.
