Prokuroria Themelore në Prishtinë ka njoftuar se i arrestuari T.K. ka pranuar kryerjen e veprës penale, në rastin e vrasjes së Enver Bajraktarit në Baicë të Lipjanit, trupi i të cilit u gjet i groposur më 4 gusht.
T.K., sipas njoftimit, gjatë dhënies së deklaratës ka pranuar veprimet e tij dhe kryerjen e veprës penale.
Ai është ndaluar me vendim të prokurorit të shtetit dhe ndaj tij po zhvillohen procedurat ligjore.
I dyshuari u arrestua të martën në mëngjes.
Policia pati raportuar se më 4 gusht ka gjetur një trup të pajetë të groposur në një arë të këtij fshati. Trupin e Bajraktarit e gjetën familjarët në një arë të mbjellë me misër, pak kohë pasi e kishin raportuar si të zhdukur.
Më vonë u bë e ditur se viktima ishte Enver Bajraktari.
Artikuj të ngjashëm
-
Pranon fajin i dyshuari për vrasjen dhe varrosjen e trupit të Enver Bajraktarit
-
Vrasja e Enver Bajraktarit nuk u krye vetëm nga Top Kolshi
-
Gjykata jep detaje: Vrasja në Baicë s’u krye vetëm nga një person
-
Një muaj paraburgim të pandehurit për vrasjen në Lipjan
-
Gjendet i groposur trupi i një qytetari që u raportua i zhdukur