Policia e Kosovës ka ndaluar të hënën në mbrëmje një veturë që ishte vënë re përmes kamerave të sigurisë se ka hyrë ilegalisht nga Serbia. Sipas njoftimit në raportin 24-orësh, rasti është cilësuar si kalim i paautorizuar i kufirit dhe kontrabandim me mallra.
Rasti është raportuar në Leposaviq rreth orës 23:00. Sipas njoftimit, vetura është ndaluar dhe në të është gjetur një makinë pompuese e vajit.
“Policia përmes kamerave të sigurisë ka vërejtur se një automjet ka hyrë ilegalisht nga territori i Serbisë në Republikën e Kosovës. Patrulla policore ka arritur ta ndalojë automjetin në fjalë që drejtohej nga i dyshuari mashkull serb i cili kishte të ngarkuara në automjet një makinë pompuese të vajit”, thuhet në njoftim.
Automjeti është dërguar në terminalin doganor.
I dyshuari pas intervestimit me vendim të prokurorit është liruar në procedurë të rregullt.
-
Dyshohet se kaloi ilegalisht kufirin, arrestohet një serb në Leposaviq
-
Arrestohet një person për kontrabandë, hyri jashtëligjshëm nga Serbia
-
Parandalohet një rast i kontrabandës nga Serbia, një i dyshuar i ikën policisë e arrestohet një shtetas serb
-
Policia parandalon në veri një rast të kontrabandës me mallra e një të kalimit ilegal të kufirit
-
Kapet një furgon në Leposaviq, po kontrabandonte ushqime e pije