Policia ka nisur hetimin e dy vdekjeve në Ranillug e Gjilan.
Sipas njoftimit, në Ranillug të martën është gjetur pa shenja jete në shtëpinë e tij një burrë. Njësitet policore kanë dalë në vendin e ngjarjes, ndërsa vdekjen e viktimës e ka konstatuar ekipi mjekësor. Me vendim të prokurorit trupi i pajetë është dërguar në IML për obduksion.
Ndërkaq në Gjilan, po ashtu të martën është gjetur nga familjarët pa shenja jete viktima mashkull. Në vendin e ngjarjes përveç njësive policore ka dalë edhe prokurori dhe ekipi mjekësor i cili e ka konstatuar vdekjen e viktimës. Me vendim të prokurorit, trupi i pajetë është dërguar në IML për obduksion.