Dy raste të vdekjeve të dyshuara janë regjistruar në 24 orët e fundit në Fushë-Kosovë dhe në Shtime.
Në Fushë-Kosovë një burrë është gjetur i vdekur të mërkurën rreth orës 15:00.
Policia në raportin 24-orësh ka bërë të ditur se viktima është dërguar në emergjencë, dhe mjeku ka konstatuar vdekjen e tij.
Me vendim të prokurorit, trupi i pa jetë i viktimës u është liruar familjarëve.
Ndërkaq në Shtime raportohet se një grua është gjetur pa shenja jete në shtëpinë e saj.
Viktima është dërguar në Emergjencën e Ferizajt, ku nga mjeku është konstatuar vdekja e viktimës. Policia thotë se rasti është nën hetime.
Artikuj të ngjashëm
