Një grua është vrarë të martën në mesditë në fshatin Vidhishtë të Fierit. I dyshuar për vrasjen është vjehrri i saj.
Siç shkruan “tch”, shkaku i tragjedisë dyshohet të jetë martesa e padëshiruar.
61-vjeçari Xhevair Hoxha e ka vrarë me thikë Merushe Hazizin, nusen e djalit. Pas kësaj, ai ka vrarë veten duke u varur në një pemë pas banesës ku jetonte.
Në familjen e tyre, sipas mediave në Shqipëri, ka pasur vazhdimisht debate pasi babai nuk pranonte martesën e të birit me Merushen.
Viktima ka pasur një lidhje tjetër martesore më parë, nga e cila solli në jetë 3 fëmijë të cilët i mban burri i parë. Kjo mendohet se ka qenë arsyeja e refuzimit të kësaj martese nga babai i djalit, Xhevair Hoxha.
Sipas banorëve të fshatit, 61-vjeçari është treguar i dhunshëm dhe e ka shprehur qysh moti synimin për ta vrarë nusen.
-
Vetëvritet i dyshuari në Roskovec disa orë pasi vrau ish-vjehrrin dhe mori peng ish-të fejuarën
-
80-vjeçari në Fier dyshohet se vrau gruan dhe më pas veten
-
Një grua në Fushë-Kosovë dyshohet se u ther me thikë nga i fejuari
-
Aktakuza ndaj shtetasit turk në Prizren: Me thikë kuzhine e preu në qafë vajzën e vet
-
Vritet aksidentalisht dhëndri në Turqi, pasi motra e nuses shtiu me armë për të festuar