Reperi i njohur kosovar, Fero, është dorëzuar në Polici në mbrëmjen e së premtes, pas dyshimeve se e ka sulmuar fizikisht një person në mesditë, ka mësuar KOHA.
Policia e Kosovës ka njoftuar se rasti i sulmit ka ndodhur rreth orës 15:30, në rrugën “Nebih Gashi” në kryeqytet.
“Nga të dhënat fillestare është ngritur dyshimi se dy të dyshuar, ku njëri nga ta dyshohet të ketë pasur dhe një armë, kanë sulmuar viktimën dhe më pas janë larguar nga vendi i ngjarjes. Ndërkohë që të dyshuarit janë identifikuar nga ana e policisë, menjëherë ka nisur një hetim preliminar lidhur me rrethanat që kanë karakterizuar ngjarjen. Së këndejmi rreth orës 20:30, të dyshuarit janë paraqitur në stacionin policor dhe policia po vijon me ndërmarrjen e veprimeve të mëtejme në koordinim me prokurorin e shtetit për të proceduar tutje”, thuhet në përgjigjen e Policisë.
-
Plagosje në Fushë-Kosovë
-
Pas një jave në arrati, dorëzohet i dyshuari për plagosjen në Prishtinë
-
Dy persona u sulmuan mbrëmë në Prishtinë, njëri prej tyre dhe i dyshuari mbetën të plagosur
-
Dy policë sulmohen në Prishtinë, i dyshuar lirohet në procedurë të rregullt
-
Arrestohet i dyshuari për sulm seksual ndaj një gruaje në Ferizaj