Shtetasi portugez R.S. (28), i dyshuari për vrasjen e biznesmenit Adrian Nikulaj, është ekstraduar në Shqipëri nga Maroku të dielën.
28-vjeçari u kap në Marok, dhe me kërkesë të Interpol Tiranës, u ekstradua.
R.S. dyshohet se më 19 prill të këtij viti vrau me armë zjarri në lokalin e tij në Shëngjin.
“Specialistët e Interpol Tiranës bënë të mundur ekstradimin në vendin tonë, të shtetasit R. S., 28 vjeç, lindur në Portugali. Ky shtetas ishte shpallur në kërkim ndërkombëtar nga Interpol Tirana, pasi Gjykata e Shkallës së Parë e Juridiksionit të Përgjithshëm Lezhë i ka caktuar masën e sigurisë “Arrest në burg”, për veprat penale “Vrasja për gjakmarrje” dhe “Prodhimi dhe mbajtja pa leje e armëve, armëve shpërthyese dhe municionit”. Shtetasi R. S. dyshohet se më datë 19.04.2023, në ambientet e lokalit, ka vrarë me armë zjarri shtetasin A. N.. Falë bashkëpunimit mes Interpol Marokut dhe Interpol Tiranës, u bë i mundur ekstradimi i këtij shtetasi, në vendin tonë. Më herët, si rezultat i reagimit në kohë, punës profesionale hetimore dhe gjurmuese, sigurimit të inteligjencës policore, shkëmbimit në kohë të informacionit me homologët, si dhe falë bashkëpunimit të suksesshëm me agjencitë ligjzbatuese brenda dhe jashtë vendit, u bë e mundur kapja dhe arrestimi dhe i shtetasve të tjerë të përfshirë në këtë ngjarje kriminale”, thuhet nga Policia e Shqipërisë.
-
Kapet në Marok portugezi i dyshuar për vrasjen e biznesmenit shqiptar Nikulaj
-
“Mercenari portugez”, i dyshuari për vrasjen e biznesmenit në Shëngjin
-
Arrestohen në Angli tre nga gjashtë të dyshuarit për vrasjen e Ardian Nikulajt
-
I dyshuari që u ekstradua nga Gjermania në Kosovë kishte planifikuar vrasje për hakmarrje
-
Ekstradohet nga Gjermania i dyshuari për tentimvrasjen në Gojbulë