Dy persona kanë vdekur në një aksident trafiku në rrugën Komoran-Carralevë.
Zëdhënësja e Policisë në Prishtinë, Flora Ahmeti, i ka thënë Kohës se në aksident kanë qenë të përfshira dy vetura të cilat kanë qenë në lëvizje.
Si pasojë e aksidentit, dy persona kanë vdekur dhe një tjetër është lënduar.
Vdekjen e tyre e ka konstatuar ekipi mjekësor në vendngjarje.
Me rastin po merret hetuesia nga njësiti i trafikut rrugor.
