Dy të dyshuarve për keqpërdorim të detyrës arresti shtëpiak u zëvendësohet me paraburgim

Gjykata e Apelit ua ka ndryshuar masën e sigurisë gjykatësit të Skenderajt dhe policit që u arrestuan për keqpërdorim të detyrës zyrtare dhe marrje ryshfeti.

Kështu, Apeli e ka miratuar ankesën e Prokurorisë dhe gjykatësit Rafet Ismaili dhe policit Blerim Gashi u ka caktuar paraburgim për 1 muaj, raporton KTV.

“Gjykata e Apelit, pasi i ka vlerësuar të gjitha rrethanat, konsideron se gjykata e shkallës së parë, nuk ka vepruar drejtë kur të dyshuarve ua ka caktuar masën e arrestit shtëpiak, duke mos arsyetuar shkaqet që kanë sjell deri te marrja e një vendimi të tillë. Apeli vlerëson se në rastin konkret, janë plotësuar të gjitha kushtet ligjore, për caktimin e paraburgimit konform dispozitave të Kodit të Procedurës Penale”, thuhet në njoftimin e Apelit.