Të paktën dy persona janë ndaluar nga Policia në fshatin Çeçevë të Zubin-Potokut, pasi dyshohen se kanë hyrë ilegalisht në territorin e Republikës së Kosovës nga Serbia.
Sipas njoftimit të Policisë, rasti ka ndodhur në orët e para të mëngjesit të së martës, rreth orës 02:30.
Të dyshuarit po udhëtonin me veturë kur u ndaluan nga zyrtarët policorë.
Gjatë kontrollit të automjetit, policia gjeti një sasi kërpudhash, për të cilat të dyshuarit nuk posedonin dokumentacion që dëshmonte prejardhjen e tyre.
Me vendim të prokurorit, malli i dorëzohet doganës, ndërsa të dyshuarit lirohen në procedurë të rregullt.
Rasti është iniciuar si "Kalim i paautorizuar i kufirit".
Artikuj të ngjashëm
-
Dy shtetas të huaj ndalohen në Zubin-Potok për hyrje ilegale në Kosovë
-
Ndalohet një person në Leposaviq, dyshohet se e kaloi ilegalisht kufirin nga Serbia
-
Kaloi ilegalisht kufirin, shoqërohet në polici shtetasi serb
-
Ndalohen dy shtetas serbë në veri pasi kaluan ilegalisht kufirin e Kosovës
-
Arrestohet një i dyshuar për kontrabandë në Zubin-Potok