Ky është momenti kur Policia e Kosovës, bashkë me njësitin special, e arreston njërin nga disa persona të kërkuar ndërkombëtarisht të dyshuar për vrasje.
Shtetasi malazez po qëndronte në një banesë të lagjes Kalabria kur u arrestua rreth orës 16.
Pas disa orësh bastisjeje në vendbanimet e të dyshuarve për vrasje, KTV-ja merr vesh jozyrtarisht se janë gjetur armë dhe drogë.
Operacionin policor e ka konfirmuar për Kohavisionin edhe zëdhënësi i Policisë, Daut Hoxha.
“Policia e Kosovës e ka realizuar një operacion policor në Prishtinë, i cili ka për qëllim identifikimin dhe arrestimin e disa personave të dyshuar për vrasje, që janë shtetas të huaj në kërkim ndërkombëtar. Njësitet kompetente dhe ato speciale, në koordinim dhe bashkërendim, janë duke e zhvilluar operacionin dhe për detaje do të njoftoheni me kohë pas përfundimit të operacionit”, ka thënë Daut Hoxha, zëdhënës i Policisë.
Aksioni policor ka zgjatur rreth pesë orë, me qëllim “identifikimin dhe arrestimin e personave të dyshuar për vrasje”.
-
Momenti i arrestimit të një shtetasi të huaj në Prishtinë, i dyshuar për vrasje
-
Aksion policor në Prishtinë, një i arrestuar
-
Detaje të reja të aksionit për arrestimin e shtetasve të huaj
-
Arrestohet një shtetas turk që po kërkohej me urdhërarrest ndërkombëtar
-
Arrestohet në Kosovë një i kërkuar nga Gjermania për tentativë vrasjeje