Policia e Kosovës ka njoftuar se në Mitrovicën Veriore ka gjetur dhe konfiskuar një veturë e cila ishte vjedhur në Gjermani.
Automjeti i kërkuar është lokalizuar në veri të vendit, siç thuhet, falë veprimeve të menjëhershme operativo-hetimore dhe se është konfiskuar në kohën kur ka qenë i parkuar në një lokacion në këtë komunë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Si rezultat i bashkëpunimit ndërkombëtar në mes të autoriteteve gjermane dhe Policisë së Kosovës, konkretisht Drejtorisë për Bashkëpunim Ndërkombëtar në Fushën e Zbatimit të Ligjit (ILECU), është arritur të lokalizohet në Kosovë, vetura e tipit BMW 320 me targa gjermane, e cila kërkohej nga autoritetet e Gjermanisë, si veturë që dyshohej se është vjedhur në shtetin e Gjermanisë”, thuhet në njoftimin e Policisë.
Lidhur me rastin, thuhet se janë duke u kryer të gjitha veprimet e mëtejme ligjore dhe hetimore, në bashkëpunim dhe koordinim me organet e drejtësisë dhe të autoriteteve të shtetit gjerman.