Avokatët e katërshes nga Siria kundërshtojnë masën e sigurisë që e vuri Gjykata

Gjykata në Prishtinë u ka caktuar nga 1 muaj paraburgim 4 personave që u kthyen të premten nga Siria.

Ata ishin dërguar menjëherë në mbajtje derisa një i mitur ka dalë para Gjykatës të shtunën, kurse 3 persona të tjerë këtë të diel, raporton KTV.

A.M i është caktuar masa e paraburgimit nën dyshimin se ka kryer veprën penale, “bashkimi apo pjesëmarrja në ushtrinë apo policinë e huaj”.

Kurse, A. K dhe V. Q, dyshohen për vepër penale “Organizim dhe pjesëmarrje në grup terrorist”.

Për të katër personat, Prokuroria ka thënë se ishte në dijeni qysh më herët se ishin pjesëmarrës në luftën në Siri dhe ishin pjesë e grupit terrorist ISIS.

Avokatët mbrojtës kanë kundërshtuar masën e sigurisë.

Tahiri ka treguar se klienti i tij është mbrojtur në heshtje, kur është pyetur nëse u pendua për veprimet e tij.

Edhe Kronikë 25 dhj 2022 Gjykata në Prishtinë dënon me rreth 5 vjet burgim një person për pjesëmarrje në grup terrorist

4 ushtarët e ISIS-it ishin në mesin e të kthyerve në Kosovë nga Siria.

Mesnatën e së premtes, përmes Stambollit u kthyen 74 fëmijë e 32 gra që po qëndronin në kampet e Sirisë, në një operacion në bashkëpunim me SHBA-në.

Në mesin e fëmijëve ka edhe të tillë që kanë humbur dy prindërit në luftimet në Siri.