Një person u arrestua të enjten në rrugën “Bill Clinton” në Prishtinë pasi i dehur është përplasur me një rrethojë dhe trafo të energjisë elektrike.
Ai ka ofenduar policët në vendin e ngjarjes dhe është dërguar në mbajtje, njoftoi Policia e Kosovës në raportin 24 orësh.
“Është arrestuar i dyshuari mashkull kosovar pasi që i njëjti në gjendje të dehur ka shkaktuar (vet) aksident trafiku duke goditur me veturë një rrethojë dhe një trafo të energjisë elektrike. I dyshuari, po ashtu në vendin e ngjarjes ka ofenduar e penguar zyrtarët policorë në kryerjen e detyrës zyrtare. Me vendim të prokurorit, i dyshuari është dërguar në mbajtje”, thuhet në raport.
