Një aksion i zhvilluar nga Drejtoria për Hetimin e Trafikimit me Narkotikë (DHTN) në bashkëpunim me Prokurorinë Themelore në Prizren ka rezultuar me arrestimin e një të dyshuari në Suharekë, të mërkurën, i cili dyshohet për tri vepra penale
Sipas Policisë së Kosovës, gjatë kontrollit të shtëpisë, objekteve përcjellëse, automjetit dhe një banese me qira që ishin në përdorim të të dyshuarit, janë gjetur dhe sekuestruar dy pistoleta, dy karikatorë me 9 copë fishekë, një armë automatike me 81 fishekë, 1 kg e 57 gram marihuanë, një peshore elektronike, dy "grinder"-a për përpunimin e lëndës narkotike, dy telefona mobil dhe një automjet.
I dyshuari, shtetas kosovar, dyshohet për “fajde”, “armëmbajtje pa leje” dhe “posedim të paautorizuar të narkotikëve”.
Me vendim të prokurorit, ai është dërguar në mbajtje dhe ndaj tij kanë nisur procedurat hetimore.
-
Aktakuzë ndaj gjashtë personave për shitblerje të narkotikëve dhe armëmbajtje pa leje në Suharekë
-
Arrestohet një i dyshuari për fajde - aksioni i Policisë çon në gjetjen e disa armëve të tij
-
Arrestohet një person për posedim narkotikësh dhe armëmbajtje pa leje në Prishtinë
-
Konfiskohen 400 gramë marihuanë, kallashnikov dhe mbi 9 mijë euro në një shtëpi në Kaçanik
-
Arrestohet në Pejë i dyshuari për sulm, policia i gjen tri armë dhe 250 fishekë