Një person është arrestuar në Pejë në orët e hershme të së shtunës. I dyshuari nën ndikimin e alkoolit demoloi dy vetura në oborr të shtëpisë së tij, ka njoftuar Policia e Kosovës. Njëra veturë ishte e tij dhe tjetra e babait të tij, siç ka bërë të ditur Policia.
I dyshuari pasi është dërguar në stacion të Policisë ka fyer dhe sulmuar zyrtarët policorë.
“Pejë 16.04.2022 – 00:30. Është arrestuar i dyshuari mashkull kosovar pasi që i njëjti nën ndikim të alkoolit kishte demoluar dy vetura në oborr të shtëpisë, që sipas ankuesit (prindi i të dyshuarit) njëra veturë ishte pronë e ankuesit, tjetra e prindit të tij. Pas shoqërimit të dyshuarit në stacion të policisë i dyshuari i kishte fyer dhe sulmuar zyrtarët policorë. Me vendim të prokurorit kujdestar, i dyshuari është dërguar në mbajtje”, thuhet në raportin e Policisë.
