Arrestohet një 52-vjeçar për tetë raste të vjedhjeve

Policia e Kosovës ka arrestuar një 52-vjeçar, i dyshuar për së paku tetë raste të vjedhjeve dhe vjedhjeve të rënda në Prishtinë. I dyshuari është identifikuar si B.C., 52-vjeçar, shtetas i Republikës së Kosovës.

“Puna e zyrtarëve policor ka rezultuar me arrestimin e të dyshuarit: B.C, mashkull, 52 vjeç, shtetas i Republikës së Kosovës. Sektori i Hetimeve nga Drejtoria e Policisë së Kryeqytetit pas një pune hetimore dhe operacionale ka arritur arrestimin e një personi të dyshuar për së paku 8 raste të vjedhjeve dhe vjedhjeve të rënda në Prishtinë", thuhet në njoftimin e policisë.

Personi i dyshuar me vendim të prokurorit të shtetit është dërguar në mbajtje.